வாள்வெட்டு நடைபெற்ற இடத்திற்கு சென்ற பொலிஸார் மீதும் வாள்வெட்டு! ரவுடி வாளுடன் கைது..

பொலிஸார் மீது தாக்குதல் நடத்திய ரவுடி வாளுடன் கைது செய்யப்பட்டிருப்பதாக பொலிஸார் தொிவித்திருக்கின்றனர். 

குறித்த சம்பவம் நேற்றிரவு கிளிநொச்சி - தர்மபுரம் கல்லாறு பகுதியில் இடம்பெற்றிருக்கின்றது. சம்பவம் தொடர்பாக மேலும் தொியவருவதாவது, 

நேற்றிரவு வாள்வெட்டு சம்பவம் இடம்பெறுவதாக பொலிஸ் அவசரசேவை தொலைபேசி இலக்கமான 119க்கு தொலைபேசி அழைப்பு வந்துள்ளது. 

இதனையடுத்து சம்பவம் இடம்பெற்ற பகுதிக்கு சென்றிருந்த பொலிஸார் மீது வாள்வெட்டு தாக்குதல் நடத்தப்பட்ட நிலையில் 

தாக்குதல் நடத்திய ரவுடியை பொலிஸார் வாளுடன் கைது செய்துள்ளனர்.