சொகுசுக் கப்பலில் போதை விருந்து!! -ஷாருக் கான் மகனிடம் விசாரணை-

இந்தியாவின் மும்பை அருகே சொகுசுக் கப்பலில் போதைப் பொருள் சிக்கிய விவகாரத்தில் பிரபல பாலிவுட் நடிகர் ஷாருக் கானின் மகனிடம் விசாரணை நடைபெற்று வருகிறது.

மராட்டிய மாநிலத்தின் மும்பை அருகே கடற்பகுதியில் நிறுத்தப்பட்ட சொகுசுக் கப்பல் ஒன்றில் நேற்று சனிக்கிழமை போதைப் பொருள் தடுப்புப் பிரிவு பொலிஸார் திடீரென சோதனை நடத்தினர். 

இதன் போது கப்பலில் போதை விருந்தில் கலந்து கொண்ட 10க்கும் மேற்பட்டோர் கைது செய்யப்பட்டு போதைப்பொருட்களும் பொலிஸார் பறிமுதல் செய்தனர். 

இந்நிலையில் போதைப் பார்ட்டி தொடர்பாக ஷாருக் கானின் மகன் ஆர்யன் கானிடம் விசாரணை நடைபெற்று வருவதாக போதைப் பொருள் தடுப்புப் பிரிவினர் தெரிவித்துள்ளனர்.