அடுத்தடுத்து இரு வீடுகளுக்குள் புகுந்த கொள்ளை கும்பல்! 35 பவுண் நகை மற்றும் 1 லட்சத்து 60 ஆயிரம் ருபாய் பணம் கொள்ளை..

கிளிநொச்சி - தருமபுரம் கல்மடுநகர் பகுதியில் நேற்று அதிகாலை இரு வீடுகளுக்குள் புகுந்த கொள்ளை கும்பல் பெருமளவு நகைகளை திருடியுள்ளதுடன், வீட்டிலிருந்தவர்கள் மீது தாக்குதல் நடத்திவிட்டு தப்பிச் சென்றிருக்கின்றது. 

அதிகாலையில் நாய்கள் குரைக்கும் சத்தம் கேட்டு வீட்டிலிருந்த ஒருவர் வெளியே வந்து பார்த்தபோது முற்றத்தில் நின்ற கொள்ளையர்கள் அவரை மடக்கி பிடித்து தாக்கியதுடன் கத்தி முனையில் அச்சுறுத்தி வீட்டுக்குள் நுழைந்ததுடன்

5 பவுண் நகை மற்றும் 95 ஆயிரம் ரூபாய் பணம் ஆகியவற்றை கொள்ளையடித்துச் சென்றது. அதன் பின்னர் அருகில் உள்ள வீட்டுக்குள் நுழைந்த கொள்ளை கும்பல் சுமார் 29 பவுண் நகை மற்றும் 65 ஆயிரம் ரூபாய் பணம் அகியவற்றை கொள்ளையடித்துள்ளது. 

இரு வீட்டாரும் உறவினர்கள் என்பதுடன் இரு குடும்ப தலைவர்களும் போரில் காலை இழந்தவர்கள் என கூறப்படுகின்றது. சம்பவம் தொடர்பாக தருமபுரம் பொலிஸார் மேலதிக விசாரணைகளை மேற்கொண்டிருக்கின்றனர்.