விடுதலை புலிகள் காலத்தில் பதுக்கப்பட்டதாக நம்பப்படும் பெருமளவு மோட்டார் ஷெல்கள் மீட்பு!

கிளிநொச்சி - விசுவமடு காட்டு பகுதியில் மறைத்துவைக்கப்பட்டிருந்த பெருமளவு மோட்டார் குண்டுகளை படையினர் மீட்டுள்ளனர். 

குறித்த சம்பவம் தொடர்பாக மேலும் தொியவருவதாது, மேற்படி பகுதியில் மோட்டார் குண்டுகள் மறைத்துவைக்கப்பட்டிருப்பதாக இராணுவ புலனாய்வு பிரிவுக்கு தகவல் கிடைத்துள்ளது. 

இதனடிப்படையில் சம்பவ இடத்தை இராணுவத்தினர் சோதனைக்குட்படுத்தியிருந்தனர். எனினும் மழை காரணமாக ஒரு தொகுதி மோட்டார் குண்டுகளே மீட்கப்பட்டது. 

விடுதலைப் புலிகள் காலத்தில் தாக்குதல் நடவடிக்கைக்காக குறித்த பகுதியில் மறைத்து வைத்திருக்கலாம் என நம்பப்படுகிறது.

இன்றைய தினமும் குறித்த பகுதியில் தேடுதல் நடவடிக்கை மேற்கொள்ளப்படவுள்ளதாக அறிய கிடைத்தது.