ஹயஸ் வாகனத்துடன் மோட்டார் சைக்கிள் நேருக்கு நேர் மோதி கோரவிபத்து! ஒருவர் பலி, மற்றொருவர் ஆபத்தான நிலையில்..

கிளிநொச்சி 155ம் கட்டை பகுதியில் இன்று மாலை இடம்பெற்ற விபத்தில் ஒருவர் உயிரிழந்ததுடன், மேலும் ஒருவர் படுகாயமடைந்துள்ளார். 

யாழ்.நோக்கி பயணித்த டொல்பின் ரக வான் ஒன்றும் எதிர் திசையில் பயணித்த மோட்டார் சைக்கிள் ஒன்றும் நேருக்கு நேர் மோதியே விபத்து நிகழ்ந்துள்ளதாக 

சம்பவத்தை நேரில் அவதானித்தவர்கள் தெரிவித்துள்ளனர். விபத்துக்கான காரணம் வானின் சாரதியின் தூக்கக் கலக்கமாக இருக்கலாம் என்று சந்தேகிக்கப்படுகின்றது.

வானின் சாரதி கிளிநொச்சி பொலிஸாரால் கைது செய்யப்பட்டுள்ளார். படுகாயம் அடைந்தவர் கிளிநொச்சி மாவட்ட வைத்தியசாலையில் சிகிச்சை பெற்று வருகிறார்.