தமிழகத்தில் மது விற்பனை!! -8 மடங்கு அதிகரிப்பு-

தமிழகத்தில் மதுபான விற்பனை நிலையங்கள் குறைக்கப்பட்ட போதிலும் மது விற்பனை குறையாமல் மாறாக 8 மடங்கு விற்பனை அதிகரித்து உள்ளதாக தெரிவிக்கப்பட்டுள்ளது. 

அங்கு கடந்த 15 ஆண்டுகளில் மதுபான விற்பனை நிலையங்களின் எண்ணிக்கை 20 சதவீதம் குறைக்கப்பட்டது. 2006 முதல் 2021 வரை தமிழகத்தில் 1,311 மதுக்கடைகள் குறைக்கப்பட்டுள்ளன.

6,736 மதுக்கடைகள் செயல்பட்டு வந்த நிலையில் அவை தற்போது 5,425 ஆக குறைக்கப்பட்டுள்ளது. மதுக்கடைகள் படிப்படியாக குறைக்கப்பட்ட போதிலும் இந்த காலங்களில் மது விற்பனை பல மடங்கு அதிகரித்துள்ளது. இதே காலங்களில் 4,195 கோடியாக இருந்த மது விற்பனை 33,746 கோடியாக உயர்ந்துள்ளது.