மெத்தியூஸ் தொடர்பில் கிரிக்கெட் சபை வெளியிட்டுள்ள தகவல்

இலங்கை அணியின் ஒருநாள் மற்றும் இருபதுக்கு-20 போட்டிகளின் தலைவராக நியமிக்கப்பட்டுள்ள எஞ்சலோ மெத்தியூஸ் இனி பந்துவீச மாட்டார் என அறிவிக்கப்பட்டுள்ளது.

குறித்த விடயத்தை இலங்கை கிரிக்கெட் சபையின் தேர்வுக்குழு தலைவர் கிரஹாம் லெப்ரோய் தெரிவித்துள்ளார்.

மெத்தியூஸ் தொடர்ந்து தசைப்பிடிப்பு உபாதைக்கு முகங்கொடுத்து வருகின்றார். இதனால் முக்கிய போட்டிகளில் விளையாடும் வாய்ப்பு தவறவிடப்படுகிறது.

இதனை காரணமாகக் கொண்டு மெத்தியூஸ் இனிவரும் போட்டிகளில் பந்துவீச மாட்டார் என அறிவிக்கப்பட்டுள்ளது.

இனிவரும் போட்டிகளில் மெத்தியூஸ் முழுநேர துடுப்பாட்ட வீரராக செயற்படுவார் என கிரிக்கெட் சபை சுட்டிக்காட்டியுள்ளது.