சிகை அலங்கரிப்பு நிலைய பணியாளர்கள் 3 பேருக்கு கொரோனா தொற்று! பிரதேசத்தை அதிரடியாக முடக்கி பீ.சி.ஆர் பரிசோதனை..

கொரோனா அச்சுறுத்தல் காரணமாக வவுனியா நகரில் சந்தை சுற்றுவட்ட வீதி தற்காலிகமாக படையினரால் முடக்கப்பட்டு பீ.சி.ஆர் பரிசோதனை மற்றும் விரைவு அன்டிஜன் பரிசோதனை மேற்கொள்ளப்பட்டு வருகின்றது, 

குறித்த வீதியிலுள்ள முகம்சவரம் செய்யும் நிலையத்தில் பணிபுரியும் மூவருக்கு கொரோனா வைரஸ் தொற்று உறுதி செய்யப்பட்டதை தொடர்ந்தே இந்த நடவடிக்கை முன்னெடுக்கப்பட்டுள்ளது. 

இன்று (வெள்ளிக்கிழமை) காலை முதல் குறித்த வீதியுடனான போக்குவரத்து இராணுவத்தினரால் முற்றாக முடக்கப்பட்டுள்ளது.மேலும் குறித்த பகுதியில் அமைந்துள்ள வியாபார நிலையங்களில் பணிபுரியும் ஊழியர்கள் 

மற்றும் சுகாதார பரிசோதகர்கள் ஆகியோருக்கு பி.சி.ஆர்.பரிசோதனை முன்னெடுக்கப்பட்டு வருகின்றமை குறிப்பிடத்தக்கது.