மீண்டும் சொதப்பிய இலங்கை!! -தொடரை வென்றது இங்கிலாந்து-

இலங்கை அணி மீண்டும் மெஹா சொப்பல் சொதப்பிதால் எட்டு விக்கெட்டுகளினால் வெற்றி பெற்ற இங்கிலாந்து அணி தொடரையும் கைப்பற்றியுள்ளது.

இரு அணிகளுக்கும் இடையிலான இரண்டாவது போட்டி நேற்று லண்டன் தி ஓவல் மைதானத்தில் நடைபெற்றது. நாணய சுழற்சியில் வெற்றி பெற்ற இங்கிலாந்து அணி பந்துவீச்சை தெரிவு செய்ய இலங்கை முதலில் துடுப்பெடுத்தாடியது.

அணியின் முதல் 4 விக்கெட்டுகளும் 21 ஓட்டங்களுக்குள்ளேயே வீழ்த்தப்பட்டன. எனினும் தனஞ்சய டிசில்வா, தசூன் சானக்க மற்றும் ஹசரங்கவின் துடுப்பாட்டம் இலங்கையின் ஓட்ட இலக்கினை 241 என்ற நிலைக்கு கொண்டு சென்றது.

50 ஓவர்கள் நிறைவில் இலங்கை ஒன்பது விக்கெட் இழப்புக்கு 241 ஓட்டங்களை பெற்றுக் கொண்டது. பந்து வீச்சில் இங்கிலாந்து சார்பில் சாம் குர்ரன் 5 விக்கெட்டுகளை கைப்பற்றினார். 

242 என்ற வெற்றியிலக்கை நோக்கி பதிலுக்கு துடுப்பெடுத்தாட ஆரம்பித்த இங்கிலாந்துக்கு 43 ஓவர்களில் 2 விக்கெட்டுகளை மட்டும் இழந்து 242 ஓட்டங்களை பெற்று வெற்றி பெற்றது.

ஜோ ரூட் 68 ஓட்டங்களுடனும், இயன் மோர்கன் 75 ஓட்டங்களுடனும் ஆட்டமிழக்காதிருந்தனர். இந்த வெற்றியின் மூலம் இங்கிலாந்து மூன்று போட்டிகள் கொண்ட ஒருநாள் தொடரை 2:0 என்ற கணக்கில் கைப்பற்றியுள்ளது. போட்டியின் ஆட்ட நாயகனாக சாம் குர்ரன்தெரிவானார்.