பேய்களை கைது செய்யக் கோரி பொலிஸ் நிலையத்தில் முறைப்பாடு!! -கபரபரப்பை ஏற்படுத்திய விவசாயி-

பேய்கள் தன்னை கொலை செய்து விடுவதாக மிரட்டுவதாக விவசாயி ஒருவர் பொலிஸ் நிலையத்திற்கு சென்று முறைப்பாடு ஒன்றை பதிவு செய்துள்ள சம்பவம்; பரபரப்பை ஏற்படுத்தியுள்ளது.

குஜராத்தில் உள்ள பாஞ்ச்மஹல் மாவட்டம் ஜம்புகோடா தாலுகாவைச் சேர்ந்த 35 வயதான விவசாயி ஒருவர், மிகவும் பதட்டத்துடன் அங்குள்ள பொலிஸ் நிலையத்திற்கு முறைப்பாடு செய்யச் சென்றுள்ளார். 

அங்கு சென்ற அவர், தோட்டத்தில் தன்னை வேலை செய்ய விடாமல், இரண்டு பேய்கள் தொடர்ந்து தொந்தரவு கொடுப்பதாகவும், தன்னை கொலை செய்வதாகவும் மிரட்டுவதாகவும் பொலிஸாரிடம் தெரிவித்துள்ளார். மேலும் தனக்கு மிரட்டல் விடுக்கும் பேய்கள் மீது வழக்குப்பதிவு செய்ய வேண்டும் என்றும் அந்த நபர் கூறியுள்ளார்.

இதைக் கேட்ட பொலிஸார் அந்த நபரின் நிலையை உணர்ந்து, அவரை சற்று அமைதிப்படுத்துவதற்காக அவரது முறைப்பாட்டை பதிவு செய்து கொள்வதாக தெரிவித்துள்ளனர். 

பின் அவருடைய குடும்பத்தாரை அழைத்து விசாரித்ததில், அந்த நபர் மனநலம் பாதிக்கப்பட்டு சிகிச்சை பெற்று வந்ததாகவும், 10 நாட்களாக மாத்திரை எடுத்துக் கொள்ளாமல் இருப்பதும் தெரியவந்தது.

இதையடுத்து குடும்பத்தாருக்கு அறிவுரை கூறி, அந்த நபரை அவரது குடும்பத்தினருடன் பொலிஸார் அனுப்பி வைத்தனர்.