தொடர் தோல்வியின் பின்னும் வீதியில் ரகளை செய்த இலங்கை வீரர்கள்!! -விசாரணை நடத்த உத்தரவு-

இலங்கை கிரிக்கெட் வீரர்களான நிரோசன் திக்வெல்ல, குசல் மெண்டீஸ் ஆகியோர் ஞாயிற்றுக்கிழமை இரவு டர்ஹாமில் சுற்றித் திரியும் ஒரு வீடியோ வெளியாகியுள்ளது. 

இங்கிலாந்துடனான 3 போட்டிகள் கொண்ட ரி-20 கிரிக்கெட் தொடரை முழுமையாக இலங்கை இழந்துள்ள நிலையிலும், இவர்களது இந்த பொறுப்பற்ற செயற்பாடு ரசிகர்களிடம் அதிருப்தியை ஏற்படுத்தியுள்ளது.

குறித்த வீடியோவின் நம்பகத் தன்மையை சரிபார்ப்பதற்கு இலங்கை கிரிக்கெட், அணி முகாமையாளரிடம் அறிக்கையை கோரியுள்ளது.

இலங்கை கிரிக்கெட்டின் சிரேஸ்ட அதிகாரி ஒருவர் இந்த விவகாரம் குறித்து விசாரணை ஆரம்பிக்கப்பட்டுள்ளது என்றும், கிரிக்கெட் வீரர்கள் உயிர் குமிழி மற்றும் ஹோட்டல் ஊரடங்கு உத்தரவை மீறியுள்ளார்களா என்பது கண்டறியப்படும் என்றும் கூறினார்.

குறித்த வீடியோவின் நம்பகத்தன்மையை உறுதிப்படுத்தப்பட்டு, அவர்கள் குற்றவாளிகள் என நிரூபிக்கப்பட்டால் அவர்கள் மீது கடுமையான ஒழுக்காற்று நடவடிக்கை எடுக்கப்படும் என்றும் அந்த அதிகாரி மேலும் தெரிவித்தார்.