வாகன சோதனையில் வாக்குவாதம்!! -பொலிஸாரை சரமாரியக தாக்கிய இளைஞர்கள்-

உசிலம்பட்டி அருகே வத்தலகுண்டு பகுதியில் நடத்தப்பட்ட வாகன சோதனையின் போது இளைஞர்கள், பொலிஸாருக்கு இடையில் மோதல் ஏற்பட்டது.

குறித்த பகுதியில் உள்ள பொலிஸ் சேதனைச்சாவடிப் பகுதியால் அந்த பகுதியில் வசிக்கும் 6 பேர் இருசக்கர வாகனத்தில் வந்துள்ளனர். அவர்கள் வந்த வாகனம் பொலிஸாரின் சோதனைச்சாவடியில் மோதியுள்ளது. 

இதனால் அங்கிருந்த பொலிஸார் அவர்களை தடுத்து நிறுத்தி விசாரணை மேற்கொண்டனர். அப்போது எதிர்பாராதவிதமாக பொலிஸாருக்கும் அந்த இளைஞர்களுக்கும் இடையே கடும் வாக்குவாதம் ஏற்பட்டு இருவரும் மோதிக் கொள்ளும் சூழ்நிலை உருவானது. 

உடனடியாக, அங்கிருந்த பொலிஸார் ஒருவர் அருகில் இருந்த வீட்டில் இருந்து உருட்டுக்கட்டை எடுத்து வந்தார். அதேநேரத்தில் இளைஞர் ஒருவர் அருகில் இருந்த தென்னம் மட்டை, மற்றும் கற்களை எடுத்து பொலிஸாரை தாக்கத் தொடங்கினார்.

இருதரப்பினரும் மாறி மாறி தாக்கிக் கொண்டனர். இந்நிலையில் பொலிஸார் மீது தாக்குதல் நடத்தி இளைஞர்கள் முத்துமாணிக்கம், ரஞ்சித், காளிதாஸ் ஆகியோர் மீது வழக்குப்பதிவு செய்த பொலிஸார் அவர்களை கைது செய்தனர்.