கள்ளக்காதலனை வரவழைத்து கணவனை கொன்ற கொடூர மனைவி!! -மனைவி கைது: கள்ளக்காதலன் தலைமறைவு-
சென்னையில் கள்ளக்காதலுக்கு இடையூறாக இருந்த கணவனை தனது கள்ளக்காதலனை வரவழைத்து கொலை செய்த மனைவியை பொலிஸாரினால் கைது செய்யப்பட்டுள்ளார்.
இந்த கொலையை செய்துவிட்டு தலைமறைவாக உள்ள கள்ளக்காதலனை தேடி பொலிஸார் வலைவிரித்துள்ளனர்.
சைதாப்பேட்டை ஜெயராமன் தெருவைச் சேர்ந்தவர் 36 வயதான கோதண்டபாணி, 30 வயதான நிரோசா தம்பதியினருக்கு இரண்டு பெண் குழந்தைகள் உள்ளன. நேற்று அதிகாலை 2 மணியளவில் அவர்களின் வீட்டிற்குள் புகுந்த மர்மநபர்கள் கோதண்டபாணியை வெட்டி கொலை செய்து விட்டதாக அவரின் மனைவி நிரோசா கூச்சலிட்டுள்ளார்.
இச் சம்பவம் தொடர்பாக சைதாப்பேட்டை பொலிஸாருக்கு தகவல் கொடுக்கப்பட்டது. சம்பவ இடத்திற்கு வந்த பொலிஸார் உடலை மீட்டு பிரேத பரிசோதனைக்கு அனுப்பினர். பினர் மனைவியிடம் தீவிர விசாரணை நடத்தினர்.
இந்த விசாணையின் போது மனைவி நிரோசா தனது கள்ளக்காதலனுடன் சேர்ந்து கணவரை கொலை செய்தது தெரிந்துள்ளதாக பொலிஸார் தெரிவித்தனர்.
இவ்விடயம் தொடர்பில் பொலிஸார் மேலும் தகவல் வழங்குகையில்:- சில வருடங்களுக்கு முன் கோடம்பாக்கத்தில் வசித்த போது தி.நகரில் உள்ள ஒரு அழகு நிலையத்தில் நிரோசா பணி புரிந்தார். அருகில் உள்ள கடையில் திருமணமாகாத மணிகண்டன் டெய்லராக பணிபுரிந்தார்.
இருவருக்கும் கள்ளத் தொடர்பு ஏற்பட்டுள்ளது. இதை கோதண்டபாணி கண்டித்து உள்ளார். ஒரு கட்டத்தில் கோதண்டபாணியை கொலை செய்ய இருவரும் திட்டமிட்டனர்.
இந்நிலையில் நேற்று முன்தினம் நள்ளிரவு கள்ளக்காதலன் மணிகண்டன் கோதண்டபாணி வீட்டுக்கு சென்றார். தூங்கி கொண்டிருந்த கோதண்டபாணியை அரிவாளால் சரமாரியாக வெட்டி கொலை செய்து தப்பி ஓடி தலைமறைவாகியுள்ளார். இப்போது நிரோசாவை கைது செய்துள்ளோம். மணிகண்டன் விரைவில் சிக்குவார் என்றானர்.
