24 மணிநேரத்தில் 67,208 பேருக்கு கொரோனா!! -2,330 பேர் மரணம்-

இந்தியாவில் இன்று வியாழக்கிழமை காலை 6 மணியுடன் முடிந்த 24 மணி நேரத்தில் புதிதாக 67 ஆயிரத்து 208 பேருக்கு கொரோனா தொற்று உறுதி செய்யப்பட்டுள்ளது.

இதனால், நாட்டில் கொரோனா பரவியவர்களின் மொத்த எண்ணிக்கை 2 கோடியே 97 இலட்சத்து 313 ஆக அதிகரித்துள்ளது. தொற்றுக்குள்ளான 8 இலட்சத்து 26 ஆயிரத்து 740 பேர் சிகிச்சை பெற்று வருகின்றனர். 

கொரோனா பாதிப்பில் இருந்து கடந்த 24 மணிநேரத்தில் ஒரு இலட்சத்து 3 ஆயிரத்து 570 பேர் குணமடைந்துள்ளனர். இதனால், நாட்டில் கொரோனாவில் இருந்து குணமடைந்தோர் மொத்த எண்ணிக்கை 2 கோடியே 84 இலட்சத்து 91 ஆயிரத்து 670 ஆக அதிகரித்துள்ளது.

ஆனாலும், கடந்த 24 மணிநேரத்தில் கொரோனாவால் 2 ஆயிரத்து 330 பேர் உயிரழ்ந்துள்ளனர். இதனால், இந்தியாவில் கொரோனாவால் உயிரிழந்தவர்களின் மொத்த எண்ணிக்கை 3 இலட்சத்து 81 ஆயிரத்து 903 ஆக அதிகரித்துள்ளது.