8 மணிநேர போராட்டம்!! -150 அடி ஆழ்துளை கிணற்றில் விழுந்த 5 வயது சிறுவன் உயிருடன் மீட்பு-

150 அடி ஆழ்துளை கிணற்றில் தவறி விழுந்த 5 வயது சிறுவன் 8 மணித்தியால தொடர் மீட்பு பேராட்டத்தினால் உயிருடன் பாதுகாப்பாக மீட்கப்பட்டுள்ளார். 

இந்தியாவில் ஆக்ரா அருகே உள்ள தாராயாய் கிராமத்தில் நேற்று 150 அடி ஆழமுள்ள ஆழ்துளை கிணற்றில் 5 வயது சிறுவன் ஒருவன் தவறி விழுந்த சம்பவம் பதிவானது.

தகவலறிந்து சம்பவ இடத்திற்கு விரைந்து சென்ற மீட்புக் குழுவினர் சிறுவனை மீட்கும் பணிகளில் தொடர்ந்தும் ஈடுபட்டு வந்தனர்.

இந்நிலையில், 8 மணித்தியால முயற்சியின் பின்னர் குறித்த சிறுவன் பாதுகாப்பாக மீட்கப்பட்டுள்ளதாக இந்திய ஊடகங்கள் தெரிவிக்கின்றன.

மீட்கப்பட்ட சிறுவன் உடல் சோர்வாக காணப்பட்டதால் சிகிச்சைக்காக வைத்தியசாலையில் அனுமதிக்கப்பட்டுள்ளதாக பொலிஸார் தகவல் தெரிவித்துள்ளனர்.