பூங்கா சிங்கங்களுக்கு கொரோனா!! -தெருப் சுற்றும் பூனைகளால் தொற்றயது-

வண்டலூர் உயிரியல் பூங்காவில் பராமரிக்கப்பட்டுவரும் 13 சிங்கங்களில் 9 சிங்கங்களுக்கு கடந்த சில நாட்களுக்கு முன்பு கொரோனா தொற்று உறுதி செய்யப்பட்டது. இதில் நீலா என்ற பெண் சிங்கம் நோய் பாதிப்பால் இறந்துள்ளது.

இதனால் குறித்த பூங்காவில் உள்ள ஏனைய சிங்கங்களின் மாதிரிகளை பரிசோதனை செய்தனர். இதில் மேலும் 2 சிங்கங்களுக்கு சார்ஸ் கோவிட்-2 ‘கெனைன் டிஸ்டம்பர்’ என்ற புதிய வகை வைரஸ் தொற்று இருப்பது கண்டறியப்பட்டது.

தற்போது அந்த 2 சிங்கங்களும் தனிமைப்படுத்தப்பட்டு உள்ளன. அதனை மருத்துவ குழுவினர் தீவிரமாக கண்காணித்து வருகிறார்கள்.

எனினும் கைவிடப்பட்ட தெரு பூனைகள் அதிக அளவில் பூங்காவுக்குள் சுற்றி வருகின்றன. இதன் மூலம் சிங்கங்களுக்கு நோய் தொற்று பரவி இருக்கலாம் என்ற சந்தேகம் எழுந்துள்ளது.இதையடுத்து பூங்காவுக்குள் சுற்றும் தெரு பூனைகளை பிடிக்கும் பணியும் நடந்து வருகிறது.