வெள்ளத்தில் சிக்கிய ஆம்புலன்ஸ்!! -போராடி மீட்ட தீயணைப்பு படையினர்-

குஜராத் மாநிலம் கெடா மாவட்டம் நாதியாட் நகரப் பகுதியில் பெய்த கனமழையால் பாலத்துக்கு அடியில் உள்ள வீதியில் வெள்ளம் நிரம்பியுள்ளது. இந்நிலையில் அவ்வழியாக சென்ற நோயாளர்காவு வண்டி சிக்கிக் கொண்டது. 

பாலத்துக்கு அடியில் வெள்ளம் சூழ்ந்த நிலையில் நோயாளர்காவு வண்டி நகர முடியவில்லை. ஒருமணி நேரமாக வாகன சாரதியும் உதவியாளரும் வாகனத்தை நகர்த்த முடியாமல் தவித்தனர்.

தகவல் அறிந்து வந்த தீயணைப்புத் துறையினர் அரைமணி நேரப் போராட்டத்திற்குப் பின் வெள்ளத்திலிருந்து நோயாளர்காவு வண்டியை மீட்டனர். குறித்த நோயாளர்காவு வண்டியில் அவசர சிகிச்சை நோயாளி யாரும் இல்லை என்பதால் பெரும் விபரீதம் நிகழாமல் தவிர்க்கப்பட்டது.