நண்பனின் பிறந்தநாளை கொண்டாட நீர்வீழ்ச்சிக்கு சென்ற இளைஞர்கள்!! -புதைமணலில் சிக்கி பரிதாப பலி-

இந்தியாவின் ஆந்திர மாநிலம் விசாகப்பட்டினத்தில் பிறந்தநாள் கொண்டாட்டத்தின் போது 3 இளைஞர்கள் புதைகுழியில் சிக்கி பரிதாபமாக உயிரிழந்தனர்.

சன்னியாசிம்மாபாளையத்தை சேர்ந்த இளைஞரின் பிறந்தநாளை கொண்டாடுவதற்காக ஊரடங்கு உத்தரவையும் மீறி அல்லம்புட்டு நீர்வீழ்ச்சிக்கு 18 இளைஞர்கள் சென்றுள்ளனர்.

குறித்த நீர்வீழ்ச்சியில் இருந்த குட்டையில் அனைவரும் குதித்து விளையாடி கொண்டிருந்த போது எதிர்பாராதவிதமாக 3 இளைஞர்கள் புதைமணலில் சிக்கி கொண்டனர். 

மீட்பு குழுவினர் சம்பவ இடத்திற்கு வந்து தேடுதல் நடத்திய போதும் அந்த 3 பேரும் சடலமாக மீட்கப்பட்டுள்ளனர்.