20 வீராங்கனைகளுக்கு பாலியல் தொல்லை கொடுத்த பயிற்சியாளர்!! -சென்னையில் மற்றுமொரு ஒரு அதிர்ச்சி சம்பவம்-
சென்னையில் விளையாட்டு பயிற்சியாளர் ஒருவர் 20 இளம் வீராங்கனைகளுக்கு பாலியல் தொல்லை கொடுத்ததாக அதிர்ச்சி கொடுக்கும் புதிய எழுந்துள்ளது.
அண்மையில் சென்னை கே.கே.நகரில் உள்ள பத்ம சேசாத்திரி பாடசாலை வணிகவியல் ஆசிரியர் ராஜகோபாலன் இணைய வகுப்பில் மாணவிகளுக்கு பாலியல் தொல்லை கொடுத்த சம்பவம் பரபரப்பை ஏற்படுத்தி உள்ளது.
இந்நிலையில் சென்னையில் செயல்பட்டு வரும் பிரபல விளையாட்டு கலைக்கூடத்தில் பயிற்சியாளர் ஒருவர் இந்த செயலில் ஈடுபட்டது தெரியவந்துள்ளது.
குறித்த கலைக்கூடத்திற்கு தடகள பயிற்சிக்காக வரும் மாணவிகளுக்கு இந்த பயிற்சியாளர் பயிற்சி கொடுக்கும் போது பாலியல் அத்துமீறலில் ஈடுபட்டுள்ளார். இது தொடர்பாக பாதிக்கப்பட்ட பெண்கள் எவரும் அச்சம் காரணமாக வெளியில் சொல்லவில்லை.
இந்த நிலையில் சம்பந்தப்பட்ட பயிற்சியாளரின் பெயர் மற்றும் புகைப்படத்தோடு பாதிக்கப்பட்ட பெண்களுக்கு சென்னையைச் சேர்ந்த ஒருவர் ருவிட்டர் பதிவு செய்துள்ளார்.
அந்த பதிவில் அங்குள்ள 20 பெண்களுக்கு மேல் பயிற்சியாளரால் பாதிக்கப்பட்டுள்ளதாக புகார் தெரிவிக்கப்பட்டுள்ளது. இதையடுத்து சம்பந்தப்பட்ட பயிற்சியாளர் பற்றி பொலிஸார் விசாரணை நடத்தி வருகிறார்கள்.
