மீண்டும் இளையதளபதிக்கு ஜோடியாகும் கீர்த்தி சுரேஸ்!!

இளையதளபதி விஜய்யுடன் ஏற்கனவே பைரவா, சர்கார் போன்ற படங்களில் கதாநாயகியாக நடித்துள்ள கீர்த்தி சுரேஸ் மீண்டும் அவருடன் புதிய படத்தில் இணைய உள்ளதாக கூறப்படுகிறது.

இளையதளபதி மாஸ்டர் படத்துக்கு பின் நெல்சன் இயக்கும் ‘தளபதி 65’ படத்தில் நடிக்கிறார். இதில் அவருக்கு ஜோடியாக பூஜா ஹெக்டே நடிக்கின்றார். 

இந்த படத்துக்கு பின் இளையதளபதி நடிக்கும் 66 ஆவது படத்தை பிரபல தெலுங்கு இயக்குனர் வம்சி பைடி பல்லி இயக்க இருப்பதாகவும் தமிழ், தெலுங்கு ஆகிய 2 மொழிகளில் இந்த படம் தயாராக உள்ளதாகவும் தகவல் பரவி வருகிறது.

இந்த படம் 2 கதாநாயகிகளை கொண்ட கதை என்று கூறப்படுகிறது. அதில் ஒரு நாயகியாக கீர்த்தி சுரேசை நடிக்க வைக்க பேச்சுவார்த்தை நடப்பதாக தகவல் வெளியாகி உள்ளது.