பொக்ஸிங் பயிற்சியில் தீவிரமாக ஈடுபடும் நடிகை ஐஸ்வர்யா ராஜேஸ்!!

தமிழ் திரையுலகில் முன்னணி நடிகைகளில் ஒருவராக வலம்வரும் நடிகை ஐஸ்வர்யா ராஜேஸ் தற்போது தீவிர பொக்ஸிங் பயிற்சியில் ஈடுபட்டுள்ளார்.

தமிழில் அவர் காக்கா முட்டை, வடசென்னை, கனா, நம்ம வீட்டு பிள்ளை, தர்மதுரை, செக்க சிவந்த வானம், வானம் கொட்டட்டும், கா.பெ ரணசிங்கம் போன்ற படங்களில் வித்தியாசமான கதாபாத்திரங்களை ஏற்று நடித்துள்ளார். 

தற்போது கோலிவுட்டில் பிசியான நடிகையாக வலம்வரும் இவர், துருவ நட்சத்திரம், திட்டம் இரண்டு, பூமிகா, டிரைவர் ஜமுனா, தி கிரேட் இந்தியன் கிச்சன் ரீமேக், மோகன் தாஸ் போன்ற படங்களை கைவசம் வைத்துள்ளார்.

இந்நிலையில், தற்போது கொரோனா ஊரடங்கு காரணமாக படப்பிடிப்புகள் ரத்து செய்யப்பட்டுள்ளதால் வீட்டிலேயே இருக்கும் அவர் தீவிர பொக்ஸிங் பயிற்சியில் ஈடுபட்டுள்ளார். 

அண்மையில் அவர் கொரோனா தடுப்பு பணிகளுக்காக முதல்வரின் பொது நிவாரண நிதிக்கு ஒரு இலட்சம் ரூபா வழங்கி இருந்தார் என்பது குறிப்பிடத்தக்கது.