கொரோனாவால் மனைவி உயிரிழப்பு!! -கவச உடையில் வந்து அஞ்சலி செலுத்திய அருண்ராஜா காமராஜ்-

கொரோனா தொற்றால் உயிரிழந்த மனைவியின் உடலுக்கு, இயக்குனர் அருண்ராஜா காமராஜ் கொரோனா கவச உடை அணிந்தபடி வந்து அஞ்சலி செலுத்தினார்.

நடிகர், இயக்குனர், பாடலாசிரியர் என பன்முகத்திறமை கொண்டவர் அருண்ராஜா காமராஜ் 2018 ஆம் ஆண்டு வெளியான கனா திரைப்படம் நல்ல வரவேற்பை பெற்றது. 

கொரோனா தொற்றுக்கு உள்ளான அருண்ராஜாவும், அவரது மனைவி சிந்துஜாவும் சென்னையிலுள்ள தனியார் வைத்தியசாலையில் சிகிச்சை பெற்று வந்தனர். 

இந்நிலையில் நேற்று இரவு அருண்ராஜாவின் மனைவி சிந்துஜா சிகிச்சை பலனின்றி உயிரிழந்தார். கொரோனாவால் உயிரிழந்த மனைவியின் உடலுக்கு, இயக்குனர் அருண்ராஜா காமராஜ் கொரோனா கவச உடை அணிந்தபடி வந்து அஞ்சலி செலுத்தினார்.