யாழ்.கல்வியங்காட்டில் வன்முறைக் குழு வீடு புகுந்து அட்டகாசம்! வீதிக்கு வீதி இராணுவம், பொலிஸ் கடமையில் உள்ளபோதும் வன்முறை கும்பல்கள் சுதந்திரமாக..

யாழ்.மாவட்டத்திலும் பயண கட்டுப்பாடு இறுக்கமாக கடைப்பிடிக்கப்படுவதுடன், வீதிக்கு வீதி இராணுவம் மற்றும் பொலிஸார் கடையில் ஈடுபட்டிருக்கும் நிலையில் கல்வியங்காடு - செம்மணி வீதியில் உள்ள வீடொன்றுக்குள் புகுந்த வன்முறைக் குழு அட்டகாசம் புரிந்துவிட்டு தப்பிச் சென்றுள்ளது.

வீட்டுக்குள் நுழைந்த வன்முறைக்குழு வீட்டின் ஜன்னல் கண்ணாடிகளை அடித்து நொறுக்கியும் , மோட்டார் சைக்கிள் , துவிச்சக்கர வண்டி, வீட்டில் இருந்த பொருட்கள்  என்பவற்றையும் அடித்து உடைத்து அட்டகாசம் புரிந்து விட்டு தப்பி சென்றுள்ளனர். 

நாடு முழுவதும் பயண தடை அமுலில் உள்ள நிலையில் இன்றைய தினம் சனிக்கிழமை மாலை 6 மணியளவில் குறித்த சம்பவம் இடம்பெற்றுள்ளது 

குறித்த தாக்குதல் சம்பவத்தில் வீட்டில் இருந்த மூன்று பேர் காயமடைந்துள்ளதாகவும் , வீட்டிலிருந்த இளைஞன் ஒருவரின் தங்க சங்கிலி ஒன்றையும் தாக்குதலாளிகள் கொள்ளையடித்து சென்றுள்ளதாகவும் , தெரிவிக்கப்படுகின்றது.  

சுமார் 20 க்கும் மேற்பட்டவர்கள் உள்ளடங்கிய குழு மோட்டார் சைக்கிள்களில் வந்து அட்டகாசம் புரிந்துள்ளனர். 

இதேவேளை குறித்த கும்பல் மது போதையில் அப்பிரதேசத்தில் நீண்ட நேரமாக நின்று அட்டகாசம் புரிந்துள்ளதாகவும் தெரிவிக்கப்படுகிறது. சம்பவம் தொடர்பில் கோப்பாய் பொலிஸார் விசாரணைகளை முன்னெடுத்துள்ளனர்.