வெளிமாவட்டத்திலிருந்து வீடு திரும்பிய மாணவி..! குடும்பத்தில் அனைவருக்கும் கொரோனா தொற்று உறுதி..

கிளிநொச்சி - கண்டாவளை பகுதியில் ஒரே குடும்பத்தை சேர்ந்த 5 பேருக்கு கொரோனா தொற்று உறுதி செய்யப்பட்டிரக்கின்றது. 

கண்டாவளை - கட்டைக்காடு கிராமத்தைச் சேர்ந்த மாணவி ஒருவர் வெளிமாவட்டம் ஒன்றின் பல்கலைக்கழகத்தில் பயின்று வருகின்றார்.

பல்கலைக்கழகங்கள் மூடப்பட்ட நிலையில் வீடு திரும்பிய அவர் வீட்டிலேயே சுயதனிமைப்படுத்தலுக்கு உட்படுத்தப்பட்டிருக்கின்றார்.

அவருடன் சேர்த்து வீட்டாருக்கு மேற்கொள்ளப்பட்ட பி.சி.ஆர் பரிசோதனை முடிவுகள் காலை வெளியாகின. குறித்த முடிவுகளின் அடிப்படையில் 

அந்தக் குடும்பத்தைச் சேர்ந்த ஐந்து பேர் தொற்றாளர்களாக அடையாளம் காணப்பட்டுள்ளனர் என்று கிளிநொச்சி சுகாதாரத் திணைக்கள வட்டாரங்கள் தெரிவித்தன.