தமிழகத்தில் அதிகரிக்கும் கொரோனா!! -ஒரு நாளில் 29,272 பேருக்குதொற்று: 298 பேர் பலி-

தமிழகத்தில் ஒரு நாள் கொரோனா பாதிப்பு 29 ஆயிரத்தை கடந்துள்ளது என்று  தமிழக சுகாதாரத்துறை தெரிவித்துள்ளது.

தமிழ்நாட்டின் கொரோனா பாதிப்பு குறித்து மாநில சுகாதாரத்துறை அறிக்கை வெளியிட்டிருக்கிறது.

இதன்படி, தமிழ்நாட்டில், இன்று காலை 6 மணியுடன் முடிவடைந்த 24 மணி நேரத்தில், புதிதாக 29,272 பேருக்கு கொரோனா பாதிப்பு உறுதியாகியுள்ளது. தொற்று பாதிப்பிலிருந்து, 19,182 பேர் குணமடைந்து வீடு திரும்பியுள்ளனர்.

அதேபோல், மாநிலம் முழுவதும் ஒரே நாளில் 298 பேர் கொரோனாவுக்கு பலியானார்கள், சென்னையில் புதிதாக 7466 பேருக்கு கொரோனா பாதிப்பு உறுதி செய்யப்பட்டு உள்ளது.

கோவையில் அதிகப்படியாக 2650 பேரும் செங்கல்பட்டில் 2419 பேரும், வைரஸ் தொற்றால் பாதிக்கப்பட்டு உள்ளனர். மாநிலம் முழுவதும் 1,62,181  பேர், கொரோனாவுக்கு சிகிச்சை பெற்று வருவதாக தமிழக சுகாதாரத்துறை தெரிவித்துள்ளது.