கில்லி பட நடிகர் மாறன்கொரோனாவுக்கு பலி!!

தமிழ் சினிமாவில் கில்லி, டிஷ்யூம், பட்டாசு, தலைநகரம், வேட்டைக்காரன், கேஜிஎஃப் உள்ளிட்ட பல படங்களில் நடித்து பிரபலமான நடிகர் மாறன் கொரோனா தொற்றால் உயிரிழந்துள்ளார்.

செங்கல்பட்டு மாவட்டத்தில் உள்ள நத்தம் பகுதியில் வசித்து வந்தவர் திரைப்பட துணை நடிகர் மாறனுக்கு கடந்த சில தினங்களுக்கு முன் கொரோனா தொற்று உறுதிசெய்யப்பட்டது.

இதையடுத்து அவர் சிகிச்சைக்காக செங்கல்பட்டு அரச வைத்தியசாலையில் அனுமதிக்கப்பட்டார்.

இந்நிலையில், நடிகர் மாறன் தனது 48 வயதில் நேற்று இரவு சிகிச்சை பலனின்றி உயிரிழந்துள்ளார். 2004 ஆம் ஆண்டு விஜய் நடிப்பில் வெளியான கில்லி படத்தில் ஆதிவாசி என்ற கதாபாத்திரத்தில் நடித்து பிரபலமானார். மேலும் கானா பாடல்களையும், மேடை கச்சேரிகளிலும் பாடி வந்துள்ளார்.