ஜூனியர் என்.டி.ஆருக்கு கொரோனா தொற்று உறுதி!!

கொரோனா வைரஸ் தொற்று பரிசோதனையில் தனக்குத் தொற்று உறுதி செய்யப்பட்டுள்ளது என்று நடிகர் ஜூனியர் என்.டி.ஆர். ருவீட் செய்துள்ளார்.

திரையுலகின் நடிகைகள், நடிகர்கள் பலர் கொரோனா வைரஸ் தொற்றுக்கு உள்ளாகியுள்ளனர். இந்த நிலையில் தெலுங்குத் திரையுலகின் முன்னணி நடிகர்களில் ஒருவரான ஜூனியர் என்.டி.ஆருக்கும் கொரோனா தொற்று ஏற்பட்டுள்ளது.

இவ்விடயம் தொடர்பில் அவர் தனது ருவிட்டர் பக்கத்தில் கூறி இருப்பதாவது:-

எனக்குக் தொற்று இருப்பது உறுதியாகியுள்ளது. என் குடும்பத்தினரும், நானும் தனிமைப்படுத்திக் கொண்டுவிட்டோம். வைத்தியர்களின் கண்காணிப்பில் தேவையான வழிமுறைகளைப் பின்பற்றி வருகிறோம். 

கடந்த சில நாட்கள் என்னுடன் நேரடித் தொடர்பில் வந்தவர்கள் அனைவரும் பரிசோதனை செய்து கொள்ள வேண்டும் என்று குறிப்பிட்டுள்ளார்.