இந்தியாவை விடாது துரத்தும் கொரோனா!! -ஒரு நாளில் புதிதாக 4,01,078 பேருக்கு தொற்று-

இந்தியாவில் 24 மணி நேரத்தில் மட்டும் புதிதாக 4,01,078 பேருக்கு கொரோனா வைரஸ் தொற்று இருப்பது உறுதி செய்யப்பட்டுள்ளது. அங்கு இன்று 3 ஆவது நாளாகவும் தொடர்ந்து தொற்று எண்ணிக்கை 4 இலட்சம் கடந்துள்ளது.

இதுதொடர்பாக மத்திய சுகாதாரத்துறை அமைச்சகம் இன்று வெளியிட்டுள்ள அறிக்கையில்:- இன்று காலை 6 மணியுடன் முடிந்த 24 மணிநேரத்தில் 4 இலட்சத்து ஓராயிரத்து 78 பேருக்கு தொற்று உறுதி செய்யப்பட்டுள்ளது. 

இதனால் மொத்த கொரோனா பாதிப்பு எண்ணிக்கை 2 கோடியே 18 இலட்சத்து 92 ஆயிரத்து 676 ஆக உயர்வடைந்து உள்ளது.

மேலும் கொரோனா தொற்றுக்கு உள்ளான 4,187 பேர் உயிரிழந்து உள்ளனர்.  இதனால் மொத்த உயிரிழப்பு எண்ணிக்கை 2,38,270 ஆக உயர்ந்து உள்ளது.