நாளை முதலமைச்சராக பதவி ஏற்றதும் ஸ்டாலின்!! -3 முக்கிய ஆவணங்களில் கையெழுத்திடவுள்ளார்-

மு.க.ஸ்டாலின் நாளை வெள்ளிக்கிழமை முதலமைச்சராக பதவி ஏற்று உடன் முக்கியமான 3 ஆவணங்களில் கையெழுத்திட உள்ளதாக தகவல்கள் வெளியாகி உள்ளது.

அவர் தனது தேர்தல் அறிக்கையில் பல்வேறு திட்டங்களை செயல்படுத்துவதாக அறிவித்து இருந்தார். அதில் கொரோனா நிவாரண நிதியாக 4 ஆயிரம் ரூபா வழங்கும் திட்டத்துக்கு முதல் கையெழுத்திடுவார் என்று தெரிகிறது.

இந்த திட்டம் யூன் 3 ஆம் திகதி தொடங்குவதாக இருந்தாலும் அதற்கு சில நடைமுறைகள் உள்ளதால் இப்போதே கையெழுத்திட்டால்தான் செயல்பாட்டுக்கு கொண்டு வர முடியும் என்பதால் அதில் கையெழுத்திடுவார் என தெரிகிறது.

மேலும் தமிழகம் முழுவதும் நகர பேருந்து பெண்கள் இலவசமாக பயணம் செய்யும் வகையில் அதற்கான கோப்பில் அவர் கையெழுத்திடுவார் எனவும் தெரிகிறது.

மூவலூர் ராமாமிர்தம் அம்மையார் நினைவு திருமண நிதி உதவித் திட்டத்தின்கீழ் பத்தாம் வகுப்பு வரை படித்த பெண்களுக்கு திருமண உதவித்தொகையாகத் தற்போது வழங்கப்படும் 25 ஆயிரத்தை 30 ஆயிரமாக உயர்த்துவதுடன் தாலிக்கு 8 கிராம் தங்கம் வழங்கும் திட்டத்துக்கும் அவர் கையெழுத்திடுவார் என தெரிகிறது.

இது தவிர பல்வேறு முக்கிய அறிவிப்புகளிலும் அவர் கையெழுத்திடுவார் என எதிர்பார்க்கப்படுகிறது.