ரசிகரின் கடைசி ஆசையை கண்ணீருடன் நிறைவேற்றிய விஜய் தேவரகொண்டா!!
நடிகர் விஜய் தேவரகொண்டாவின் தீவிர ரசிகரான ஹேம்நாத் சிகிச்சைக்காக வைத்தியசாலையில் அனுமதிக்கப்பட்டார். அவருக்கு கொரோனா வைரஸ் தொற்று உறுதிப்படுத்தப்பட்ட நிலையில் தனது கடைசி நாட்களை எண்ணிக் கொண்டு உள்ளார்.
விஜய் தேவரகொண்டாவின் தீவிர ரசிகரான உள்ள அவருக்கு விஜய் தேவரகொண்டாவுடன் பேசவேண்டும் என்பதே தனது கடைசி ஆசையாம். அதனை அவர் சமூக வலைதளத்திலும் வெளிப்படுத்தி இருந்தார்.
இந்த தகவலை அறிந்த விஜய் தேவரகொண்டா, தனது ரசிகரின் கடைசி ஆசையை நிறைவேற்ற முடிவு செய்தார். இதனை தொடர்ந்து ரசிகர் மன்ற நிர்வாகிகள் மூலமாக அந்த ரசிகர் இருக்கும் இடத்தை கண்டுபிடித்து அவருடன் வீடியோ காலில் பேசினார்.
அவர் பேசும்போது உணர்ச்சிகளை கட்டுப்படுத்த முடியாமல் விஜய் தேவரகொண்டா கண்ணீர் விட்டார்.
ரசிகனுடன் கண்ணீர் விட்டுக் கொண்டே பேசிய அவர்:- உன்னோடு பேசியதும் உன் முகத்தில் சிரிப்பை பார்த்ததும் எனக்கு ரொம்பவே மகிழ்ச்சியை கொடுக்கிறது. உன்னை ரொம்பவே மிஸ் பண்ணுவேன் ஹேம்நாத் என்றார்.
