தறிகெட்டு ஓடிய மோட்டார் சைக்கிள்..! ஆட்டோ மீது மோதி கோர விபத்து, 9 வயது சிறுமி உயிரிழப்பு, மேலும் இருவர் படுகாயம்..

கட்டுப்பாடற்ற வேகத்தில் பயணித்த மோட்டார் சைக்கிள் ஆட்டோ மீது மோதி விபத்துக்குள்ளானதில் 9 வயது சிறுமி உயிரிழந்துள்ளதுடன், மேலும் இருவர் படுகாயமடைந்துள்ளனர். 

குறித்த சம்பவம் இன்று காலை வவுனியா - இரட்டைபொியகுளம் பகுதியில் இடம்பெற்றிருக்கின்றது. சம்பவத்தில் மேலும் இருவர் படுகாயமடைந்துள்ளனர். 

சம்பவம் தொடர்பாக மேலும் தொியவருவதாவது, இன்று காலை குறித்த சிறுமி தனது தாயுடன் சிதம்பரபுரம் வைத்தியசாலைக்கு சென்று மருந்து எடுத்துவிட்டு 

கல்குண்ணாமடுப் பகுதியில் உள்ள அவரது வீடுநோக்கி முச்சக்கர வண்டியில் சென்றுள்ளனர்.இதன்போது எதிரே வந்து கொண்டிருந்த மோட்டார் சைக்கிள் மோதியதில் குறித்த விபத்து இடம்பெற்றுள்ளது. 

விபத்தில் முச்சக்கர வண்டியில் இருந்து தூக்கிவீசப்பட்ட சிறுமி சம்பவ இடத்திலேயே சாவடைந்துள்ளர். கல்குண்ணா மடுப்பகுதியை சேர்ந்த ஆகாசா ரசினி என்ற 9 வயது சிறுமியே சாவடைந்துள்ளார்.

சம்பவம் தொடர்பாக ஈரப்பெரியகுளம் பொலிசார் விசாரணைகளை முன்னெடுத்துவருகின்றனர்.