இந்தியாவில் கட்டுக்கடங்காமல் எகிறும் கொரோனா!! -ஒரு நாளில் புதிதாக 3,46,786 பேருக்கு தொற்று-

இந்தியாவில் கொரோனா 2 ஆம் அலை கட்டுக்கடங்காமல் பரவி வருகிறது. தினசரி நோய்த்தொற்றுகளின் எண்ணிக்கை படிப்படியாக உயர்ந்து 3 இலட்சத்தை தாண்டிவிட்டது. 

இந்நிலையில், அந்நாட்டின் கொரோனா தொற்று நிலவரம் குறித்து மத்திய சுகாதார அமைச்சகம் அறிக்கை வெளியிட்டுள்ளது. அந்த தகவலின்படி அங்கு இன்று காலை 6 மணியுடன் முடிந்த 24 மணி நேரத்தில் 3,46,786 பேருக்கு கொரோனா தொற்று உறுதி செய்யப்பட்டுள்ளது. இதன் மூலம் மொத்த பாதிப்பு 1,66,10,481 ஆக உயர்ந்துள்ளது.

மேலும் 2,624 பேர் கொரோனா பாதிப்பினால் மரணம் அடைந்துள்ளனர். கொரோனா வைரசால் உயிரிழந்தவர்களின் மொத்த எண்ணிக்கை 1,89,544  ஆக உயர்ந்துள்ளது.