உலகில் அதிக கொரோனா பாதிப்பு இன்று இந்தியாவில் பதிவு!! -3,14,835 பேருக்கு தொற்று: 2104 பேர் உயிரிழப்பு-

இந்தியாவில் கொரோனா பாதிப்பு நிலவரம் குறித்து மத்திய சுகாதார அமைச்சகம் அறிக்கை வெளியிட்டுள்ளது. அந்த தகவலின்படி கடந்த 24 மணி நேரத்தில் 3,14,835 பேருக்கு கொரோனா தொற்று உறுதி செய்யப்பட்டுள்ளது. 

மொத்த பாதிப்பு 1,59,30,965 ஆக உயர்ந்துள்ளது. அந்த நேரத்தில் 2,104 பேர் கொரோனா பாதிப்பினால் மரணம் அடைந்துள்ளனர். கொரோனா வைரசால் உயிரிழந்தவர்களின் மொத்த எண்ணிக்கை 1,84,657 ஆக உயர்ந்துள்ளது.

கொரோனா பாதிப்பில் இருந்து குணமடைந்தவர்களின் எண்ணிக்கை 1,34,54,880 ஆக உயர்ந்துள்ளது. ஒரே நாளில் 1,78,841 பேர் குணமடைந்துள்ளனர். நாடு முழுவதிலும் உள்ள பல்வேறு வைத்தியசாலைகளில் 22,91,428 பேர் சிகிச்சை பெற்றுவருகின்றமை குறிப்பிடத்தக்கது.