இந்தியாவில் கட்டுக்கடங்காத கொரோனா!! -3 இலட்சத்தை நெருக்கும் தினசரி தொற்றாளர்கள்-

இந்தியாவில் தினசரி  கொரோனா தொற்றாளர்களின் எண்ணிக்கை படிப்படியாக உயர்ந்து தற்போது 3 இலட்சத்தை நெருங்கி உள்ளதுடன், உயிரிழப்பும் கணிசமாக உயர்ந்து வருகிறது. 

இந்நிலையில் அங்குள்ள கொரோனா நிலவரம் குறித்து மத்திய சுகாதார அமைச்சகம் அறிக்கை வெளியிட்டுள்ளது. அந்த தகவலின்படி அந்நாட்டில் இன்று காலை 6 மணியுடன் முடிந்த 24 மணி நேரத்தில் 2,95,041 பேருக்கு கொரோனா தொற்று உறுதி செய்யப்பட்டுள்ளது. மொத்த பாதிப்பு 1,56,16,130 ஆக உயர்ந்துள்ளது.

2,023 பேர் கொரோனாவால் உயிரிழந்துள்ளனர். கொரோனா வைரசால் உயிரிழந்தவர்களின் மொத்த எண்ணிக்கை 1,82,553 ஆக உயர்ந்துள்ளது.

கொரோனா பாதிப்பில் இருந்து குணமடைந்தவர்களின் எண்ணிக்கை 1,32,76,039 ஆக உயர்ந்துள்ளது. 1,67,457 பேர் குணமடைந்துள்ளனர். நாடு முழுவதிலும் உள்ள பல்வேறு வைத்தியசாலைகளில் 21,57,538 பேர் சிகிச்சை பெற்றுவருகின்றனர்.