இந்தியாவில் நிலைமை மோசமாகிறது!! -2 ஆவது நாளாக 2 இலட்சத்தை தாண்டிய தொற்றாளர்களின் எண்ணிக்கை-

இந்தியாவில் இரண்டாவது நாளாகவும்2 இலட்சத்தை தாண்டிய கொரோனா தொற்று பதிவாகியுள்ளது. இதன்படி இன்று வெள்ளிக்கிழமை மட்டும் 2,17,353 பேருக்கு புதிதாக கொரோனா வைரஸ் தொற்று உறுதி செய்யப்பட்டுள்ளது. 

மத்திய சுகாதார அமைச்சகம் வெளியிட்டுள்ள தகவலின் அடிப்படையில், இந்தியாவில் கடந்த 24 மணி நேரத்தில் 2,17,353 பேருக்கு தொற்று உறுதி செய்யப்பட்டுள்ளது. 

இதன்மூலம் மொத்த தொற்று எண்ணிக்கை 1,42,91,917 ஆக அதிகரித்துள்ளது.  அதேபோல், தொற்று பாதிப்புகளுக்கு ஒரே நாளில் 1,185 பேர் உயிரிழந்துள்ளனர். இதன்மூலம் உயிரிழந்தோர் மொத்த எண்ணிக்கை 1,74,308 ஆக உயர்ந்துள்ளது.

தொற்றிலிருந்து கொரோனா பாதிப்பில் இருந்து 1,18,302 பேர் குணமடைந்துள்ளனர். இதன்படி குணமடைந்தவர்களின் மொத்த எண்ணிக்கை 1,25,47,866 ஆக உயர்ந்துள்ளது.