சாராய போத்தலுக்குள் இறந்த பாம்பு!! -குடித்தது மயங்கியவர் வைத்தியசாலையில் அனுமதி-

இறந்த பாம்பு இருந்த மதுபானத்தை குடித்த நபர் ஒருவர் மயக்கமடைந்த நிலையில் சிகிச்சைக்காக வைத்தியசாலையில் அனுமதிக்கப்பட்டுள்ளார்.

அரியலூர் மாவட்டம் உடையார்பாளையம் அருகே உள்ள சுத்தமல்லி கிராமத்தைச் சேர்ந்தவர் நபர் ஒருவர் அப்பகுதியில் உள்ள மதுபான விற்பனை நிலையத்தில் நேற்று முன்தினம் மதியம் மதுபானம் வாங்கி கொண்டு வீட்டுக்கு சென்றுள்ளார்.

வீட்டில் வைத்து மதுபானத்தை குடித்த போது தான் குடித்த மது போத்தலுக்குள் இறந்த நிலையில் குட்டி பாப்பு இருப்பதை கண்டு அதிர்ச்சியடைந்துள்ளார்.

பாம்பை பார்த்து அச்சப்பட்ட அவர் இது குறித்து குடும்பத்தினருக்கு தெரியப்படுத்திக் கொண்டு, அவர்களின் உதவியுடன் ஜெயங்கொண்டம் அரசு வைத்தியசாலைக்கு சென்றுள்ளார்.

இந்த சம்பவம் தொடர்பாக உடையார்பாளையம் பொலிஸார் விசாரணைகளை ஆரம்பித்துள்ளனர். மது மோத்தலில் பாம்பு குட்டி இறந்து கிடந்த சம்பவம் அப்பகுதி குடிமகன்களிடையே அதிர்ச்சியை ஏற்படுத்தி உள்ளது.