இந்தியாவில் மோசமாக பரவும் கொரோனா!! -புதிதாக 1,61,736 பேருக்கு தொற்று-

இந்தியாவில் கடந்த 24 மணி நேரத்தில் மட்டும் புதிதாக 1,61,736 பேருக்கு கொரோனா தொற்று உறுதி செய்யப்பட்டுள்ளதாக மத்திய சுகாதார அமைச்சகம் தெரிவித்துள்ளது.

கொரோனா பாதிப்பு நிலவரம் குறித்த அறிக்கையை இன்று செவ்வாய்க்கிழமை காலை மத்திய சுகாதார அமைச்சகம் வெளியிட்டது. இந்த தகவலின்படி அந்நாட்டில் கொரோனாவால் பாதிக்கப்பட்டவர்களின் மொத்த எண்ணிக்கை 1,36,89,453 ஆக உயர்ந்துள்ளது. 

கடந்த 24 மணி நேரத்தில் புதிதாக 1,61,736 பேருக்கு தொற்று உறுதி செய்யப்பட்டுள்ளது. இன்று ஒரே நாளில் 879 பேர் மரணம் அடைந்துள்ளனர். இதன்மூலம் கொரோனா வைரசால் உயிரிழந்தவர்களின் மொத்த எண்ணிக்கை 1,71,058 ஆக உயர்ந்துள்ளது.

கொரோனா பாதிப்பில் இருந்து குணமடைந்தவர்களின் எண்ணிக்கை 1,22,53,697 ஆக உயர்ந்துள்ளது. இன்று ஒரே நாளில் 97,168 பேர் குணமடைந்துள்ளனர். நாடு முழுவதிலும் உள்ள பல்வேறு வைத்தியசாலைகளில் 12,64,698 பேர் சிகிச்சை பெற்று வருகின்றனர். 

நாடு முழுவதும் இன்று வரை 10,85,33,085 பேருக்கு தடுப்பூசி போடப்பட்டுள்ளமை குறிப்பிடத்தக்கது.