தமிழகத்தில் அதிகரிக்கும் கொரோனா!! -ஒரு நாளில் 6,711 பேருக்கு தொற்று-

தமிழகத்தில் இன்று திங்கட்கிழமை மேலும் 6,711 பேருக்கு கொரோனா தொற்று உறுதி செய்யப்பட்டுள்ளது என்று தமிழக சுகாதாரத்துறை தகவல் தெரிவித்துள்ளது. 

தமிழக சுகாதாரத்துறை வெளியிட்டுள்ள அறிக்கையில் கூறப்பட்டு இருப்பதாவது:-தமிழகத்தில் மேலும் 6,711 பேருக்கு தொற்று உறுதி செய்யப்பட்டுள்ளது. 

இதுவரை கொரோனா பாதித்தவர்கள் எண்ணிக்கை 9 இலட்சத்து 40 ஆயிரத்து 145ஆக உயர்ந்துள்ளது. சென்னையில் மட்டும் இன்று திங்கட்கிழமை 2,105 பேருக்கு தொற்று உறுதி செய்யப்பட்டுள்ளது. 

தொற்றில் இருந்து இன்று திங்கட்கிழமை 2,339 பேர் குணம் அடைந்துள்ளனர். கொரோனா பாதிப்பால் இன்று திங்கட்கிழமை 19 பேர் உயிரிழந்துள்ளனர்.