உலக கிண்ண கிரிக்கெட் - சிம்பாப்வேயை வீழ்த்திய எமிரேட்ஸ்

உலக கிண்ண கிரிக்கெட் தகுதிச் சுற்றுக்கான போட்டியில் சிம்பாப்வே - யுனைடெட் அரபு எமிரேட்ஸ் அணிகள் சிம்பாப்வேயில் நேற்று மோதின. நாணய சுழற்சியை வென்ற சிம்பாப்வே அணி களத்தடுப்பை முதலில் தேர்வு செய்தது. 

அரபு எமிரேட்ஸ் அணியின் தொடக்க ஆட்டக்காரர்களாக ரோஹன் முஸ்தபாவும், அஷ்பாக் அகமதுவும் களமிறங்கினர். அகமது 10 ஓட்டங்களில் ஆட்டமிழந்தார். 

அவரை தொடர்ந்து களம் இறங்கிய குலாம் ஷபிர் நிதானமாக விளையாடி 40 ஓட்டங்கள் எடுத்தார். அடுத்து களமிறங்கிய ரமீஸ் ஷசாத் சிறப்பாக விளையாடி 59 ஓட்டங்கள் எடுத்து ஆட்டமிழந்தார். அடுத்து வந்தவர்கள் நிலைத்து நிற்கவில்லை. 

சிம்பாப்வே அணி 47.5 ஓவரில் 7 விக்கெட்டுக்கு 235 ஓட்டங்கள் எடுத்திருந்த போது மழை பெய்ததால் ஆட்டம் தடைபட்டது. அரபு எமிரேஸ் அணி சார்பில் சிக்கந்தர் ராசா 3 விக்கெட்டும், சதாரா 2 விக்கெட்டும் வீழ்த்தினர். 

இதையடுத்து, சிம்பாப்வே அணி 40 ஓவரில் 230 ஓட்டங்கள் எடுத்தால் வெற்றி என நிர்ணயம் செய்யப்பட்டது. தொடக்க ஆட்டக்காரர்களாக சாலமன் மிர், ஹாமில்டன் மசகாசாவும் களமிறங்கினர். அரபு எமிரேட்ஸ் அணி பந்து வீச்சாளர்கள் சீரான இடைவெளியில் விக்கெட்டுகளை வீழ்த்தினர். 

சிம்பாப்வே அணியின் சீன் வில்லியம்ஸ் மட்டும் ஓரளவு தாக்குப்பிடித்து 80 ஓட்டங்கள் எடுத்து ஆட்டமிழந்தனர். மற்றவர்களும் விரைவில் ஆட்டமிழந்தனர். 

இறுதியில், நிர்ணயம் செய்யப்பட்ட 40 ஓவரில் சிம்பாப்வே அணி 7 விக்கெட் இழப்புக்கு 226 ஓட்டங்கள் மட்டுமே எடுத்தது. இதனால் 3 ஓட்டங்கள் வித்தியாசத்தில் அரபு எமிரேட்ஸ் அணி வெற்றி பெற்றது. அரபு எமிரேஸ் அணி சார்பில் மொகமது நவீத் 3 விக்கெட்டும், ரோஹன் முஸ்தபா 2 விக்கெட்டும் வீழ்த்தினர்.