வீரம்பன் புதைத்த பணம் காட்டில் உள்ளது!! -அவரின் மகள் விஜயலட்சுமி பரபரப்பு தகவல்-

மாவீரன் பிள்ளை படத்தில் பெண்களுக்கு தற்பாதுகாப்பு கலை பயிற்றுவிப்பாளராக வீரப்பனின் இரண்டாவது மகள் விஜயலட்சுமி, நடிகையாக அறிமுகமாகிறார். 

இது குறித்து விஜயலட்சுமி கருத்து தெரிவிக்கையில்:- 

அப்பா வீரப்பனின் கதைக்கும், நான் நடிக்கும் மாவீரன் பிள்ளை படத்திற்கும் எந்த சம்பந்தமும் இல்லை. அப்பாவின் கதையை படமாக்க முடிந்தால், நிச்சயம் செய்வேன். இதற்காக, அம்மாவிடம் உரிய அனுமதியும் பெறுவேன்.

அப்பாவின் உண்மையான கதை, இன்னும் படமாக்கப்படவில்லை. பத்திரிகைகளில் வெளி வந்த செய்தியை வைத்து தான், வீரப்பனின் வாழ்க்கை கதையை, படம் எடுத்துள்ளனர். 

அப்பா புதைத்து வைத்த பணம், காட்டில் இருக்கிறது ஆனால், இப்போது அது செல்லாது. எங்கு இருக்கிறது என்றும் யாருக்கும் தெரியாது. அது, அப்பாவுக்கும், அவருடன் இருந்த கோவிந்தனுக்கும் மட்டுமே தெரியும் என்றார்.