இந்தியாவின் முக்கிய பிரதேசங்கள் மீண்டும் முடக்கப்படுகிறது..! கட்டுப்பாடற்ற வேகத்தில் தொற்று..

மும்பை - ராய்ப்பூர் மற்றும் போபால் உள்ளிட்ட பல்வேறு நகரங்களில் கொரோனா தொற்று பரவல் அதிகரித்திருக்கும் நிலையில் இன்று தொடக்கம் ஊரடங்கு சட்டம் அமுல்படுத்தப்பட்டுள்ளது. 

மகாராஷ்டிரத்தில் மும்பை, புனே, நாக்பூர் உள்ளிட்ட நகரங்களில் இன்றிரவு 8 மணி முதல் திங்கள் காலை 7 மணி வரை முழு ஊரடங்கு விதிக்கப்பட்டுள்ளது. இன்றியமையாப் பொருட்கள் ஏற்றிச் செல்லும் வாகனங்கள், 

இன்றியமையாச் சேவைகளுக்கான வாகனங்கள் தவிர மற்றவை இயங்க அனுமதிக்கப்படாது. இதேபோல் சத்தீஸ்கர் தலைநகர் ராய்ப்பூரில் இன்று மாலை 6 மணி முதல் ஏப்ரல் 19ஆம் நாள் காலை 6 மணி வரை ஊரடங்கு விதிக்கப்பட்டுள்ளது.

மத்தியப் பிரதேசத்தில் அனைத்து நகர்ப்புறப் பகுதிகளிலும் இன்று மாலை 6 மணி முதல் 60 மணி நேர முழு ஊரடங்கு விதிக்கப்பட்டுள்ளது. இவை தவிர நாட்டில் இருபதுக்கு மேற்பட்ட நகரங்களில் இரவுநேர ஊரடங்கு கடைப்பிடிக்கப்படுகிறது.