இரண்டாவது தடுப்பூசியை போட்ட மோடி!!

இந்தியப் பிரதமர் நரேந்திர மோடி இன்று வியாழக்கிழமை தனக்கான இரண்டாவது கொரோனா தடுப்பூசியைப் போட்டுக்கொண்டார்.

கடந்த மார்ச் - முதலாம் திகதி பாரத் பயோடெக்கின் கோவாக்சின் தடுப்பூசியை மோடி போட்டுக்கொண்டார். இந்நிலையில் டெல்லி எய்ம்ஸ் வைத்தியசாலையில் 2 ஆவது கொரோனா தடுப்பூசியை இன்று காலை அவர் பெற்றுக்கொண்டார்.

இன்று 2 ஆவது தடுப்பூசி பெற்றுக்கொண்ட புகைப்படத்தை தனது ருவிட்டரில் பகிர்ந்துள்ள அவர் கொரோனாவை வெல்லும் வழிகளில் தடுப்பூசியும் ஒன்று என்பதால் தகுதியான அனைவரும் உடனடியாக தடுப்பூசியைப் போட்டுக்கொள்ள வேண்டும் என கோரிக்கை விடுத்துள்ளார்.