ஊருக்குள் திடீரென புகுந்த 2 காண்டா மிருகங்கள்!! -மக்கள் சிலர் காயம்: பயிர் நிலங்களும் நாசம்-

அசாமில் உள்ள கிராமத்திற்குள் திடீரென புகுந்த 2 காண்டா மிருகங்களால் அங்கிருந்த பல ஏக்கர் பயிர் நிலங்கள் நாசம் செய்யப்பட்டுள்ளதுடன், மக்களும் பீதியடைந்துள்ளனர். 

அஸ்ஸாம் மாநிலம் டாரங் மாவட்டத்தில் 2 காண்டாமிருகங்கள், குடியிருப்புப் பகுதிகளில் புகுந்து பீதியை ஏற்படுத்தின. அங்கிருந்த தக்காளி உள்ளிட்ட பயிர்களை அவை சேதம் செய்தன. 

இவ்விடயம் தொடர்பில் பொலிஸ் மற்றும் வனத்துறையினரும் சம்பவ இடத்திற்கு வந்து இரண்டு காண்டாமிருகங்களையும் பிடிக்க முயற்சித்தபோது தாறுமாறாக ஓடிய அவை சிலரை காயப்படுத்தின.

ஒரு காண்டாமிருகம் வனத்துறையினரிடம் சிக்கியது. மயக்க ஊசி செலுத்தப்பட்ட பின்னர் அதை வனவிலங்குப் பூங்காவுக்கு அனுப்பி வைத்தனர். மற்றொரு காண்டாமிருகம் அமைதியாக போய் குளத்தில் உட்கார்ந்துக் கொண்டது. அதன் நடமாட்டத்தை அதிகாரிகள் கண்காணித்து வருகின்றனர்.