கதாநாயகியாக வீரப்பனின் மகள்!! -மாவீரன் பிள்ளை படத்தில் அறிமுகம்-

இந்திய அரசாங்கத்தை கதிகலங்கவைத்த வீரப்பனின் இளைய மகள் விஜயலட்சுமி 'மாவீரன் பிள்ளை' எனும் திரைப்படத்தின் மூலம் கதாநாயகியாக அறிமுகமாகியுள்ளார்.

கே.என்.ஆர். ராஜா இயக்கத்தில் உருவாகியுள்ள இந்த திரைப்படத்தின் முதல் பார்வை விளம்பரத்தை படக்குழுவினரால் வெளியிடப்பட்டுள்ளது. இப்படத்தை இயக்கி உள்ள கே.என்.ஆர்.ராஜா, கதாநாயகனாகவும் நடித்துள்ளார்.

அந்த விளம்பரத்தில் போராட்ட களத்தில் கையில் துப்பாக்கியுடன் புரட்சிப் பெண்ணாக காட்சி தருகிறார் வீரம்பனின் மகள் விஜயலட்சுமி.

மது ஒழிப்பு மற்றும் தண்ணீர், விவசாயிகள் பிரச்சினை பற்றிய போராட்டங்களை மையப்படுத்தி இந்தப் படத்தின் கதை உருவாக்கப்பட்டுள்ளது. மக்கள் போராட்டங்களை முன்நின்று நடத்தும் போராளி கதாபாத்திரத்தில் விஜயலட்சுமி நடித்துள்ளார்.