மதுரையில் இன்று பிரதமர் மோடி சூராவளி பிரசாரம்!!

பிரதமர் மோடி இன்று மதுரையில், தேசிய ஜனநாயக கூட்டணி வேட்பாளர்களை ஆதரித்து தேர்தல் பிரசாரம் செய்ய உள்ளார் என்று தெரிவிக்கப்பட்டுள்ளது. 

பாண்டிகோவில் ரிங்ரோடு அருகே அம்மா திடலில், தேசிய ஜனநாயக கூட்டணி வேட்பாளர்களின் பிரச்சார கூட்டம் நடைபெறவுள்ளது. இக் கூட்டத்தில் பிரதமர் மோடி இன்று பேசுகிறார்.

இதற்காக, நேற்று இரவு சிறப்பு விமானம் மூலம், மதுரை சென்ற மோடி, பசுமலை தனியார் ஹோட்டலில் தங்கினார். இன்று வெள்ளிக்கிழமை காலை, அங்கிருந்து புறப்பட்டு, பொதுக்கூட்ட மேடைக்கு, 11:10 மணிக்கு செல்கின்றார். 

மதுரை பொதுக்கூட்டம் முடிந்த பின், உலங்கு வானூர்தி (ஹெலிகாப்டர்) மூலம் நாகர்கோவில் செல்லும் மோடி, அங்கு நடக்கும் பிரசார பொதுக் கூட்டத்திலும் பங்கேற்கிறார்.