பாடசாலை சென்றுகொண்டிருந்த 8 வயது சிறுவன் மீது மோதிய உழவு இயந்திரம்..! சிறுவன் பலி, சாரதி தலைமறைவு..

பாடசாலை சென்று கொண்டிருந்த நிலையில் உழவு இயந்திரம் மோதியதில் 8 வயதான சிறுவன் உயிரிழந்துள்ளான். 

குறித்த சம்பவம் அம்பாறை - அட்டாளைச்சேனை ஆலங்குளம் பகுதியில் இன்று காலை இடம்பெற்றுள்ளது. 

உயிரிழந்த சிறுவனின் சடலம் அக்கரைப்பற்று வைத்தியசாலைக்கு கொண்டு செல்லப்பட்டுள்ளது.

பாடசாலைக்கு சென்றுகொண்டிருந்த சிறுவன் மீது உழவு இயந்திரம் மோதி விபத்து இடம்பெற்றுள்ளது.

விபத்தின் போது உழவு இயந்திரத்தை செலுத்திய இளைஞர் தலைமறைவாகியுள்ளதாக பொலிஸார் கூறினர்.

எனினும், உழவு இயந்திரத்தின் உரிமையாளர் பொலிஸாரால் கைது செய்யப்பட்டுள்ளார்.

சம்பவம் தொடர்பில் மேலதிக விசாரணைகளை அக்கரைப்பற்று பொலிசார் மேற்கொண்டு வருகின்றனர்.