இந்தியாவில் தீவிரம் காட்டும் கொரோனா இரண்டாம் அலை!! -24 மணிநேரத்தில் 56,211 பேருக்கு தொற்று: 271 பேர் பலி-

இந்தியாவில் கடந்த 24 மணி நேரத்தில் மட்டும் 56,211 பேருக்கு கொரோனா தொற்று உறுதி செய்யப்பட்டுள்ள நிலையில், 271 பேர் கொரோனாவுக்கு பலியாகி உள்ளனர்.

அங்கு கொரோனா இரண்டாவது அலை வேகமாக பரவி வருகிறது. இந்நிலையில் அந்நாட்டு கொரோனா பாதிப்பு நிலவரம் தொடர்பாக மத்திய சுகாதாரத்துறை அமைச்சகம் இன்று காலை வெளியிட்டுள்ள அறிக்கையிலேயே மேற்படி தகவல் தெரிவிக்கப்பட்டுள்ளது. 

அதன்படி, அந்நாட்டில் கொரோனாவால் பாதிக்கப்பட்டவர்களின் மொத்த எண்ணிக்கை 1,20,95,855 ஆக உயர்ந்துள்ளது. கடந்த 24 மணி நேரத்தில் 56,211 பேருக்கு தொற்று உறுதி செய்யப்பட்டுள்ளது.

நேற்று ஒரே நாளில் 271 பேர் கொரோனாவுக்கு பலியாகி உள்ளனர். இதன்மூலம் பலி எண்ணிக்கை 1,62,114 ஆக உயர்ந்துள்ளது.