வேளாண் சட்டங்களின் நகலை எரித்து ஹோலி கொண்டாட்டம்!! -டெல்லியில் விவசாயிகள் எதிர்ப்பு-

டெல்லி எல்லையில் தொடர்ந்து போராவரும் விவசாயிகள் வேளாண் சட்டங்களின் நகலை எரித்து ஹோலி கொண்டாடினர்.

மத்திய அரசு கொண்டு வந்த புதிய வேளாண் சட்டங்களை எதிர்த்து பஞ்சாப், அரியானா, பீகார் உள்ளிட்ட பல்வேறு மாநில விவசாயிகள் டெல்லியின் சிங்கு, டிக்கிரி, காசிப்பூர் எல்லைகளில் போராட்டம் நடத்தி வருகிறார்கள். டெல்லி எல்லையில் விவசாயிகள் நடத்தும் போராட்டம் இன்று 124 ஆவது நாளாகவும் தொடர்ந்தது.

டெல்லி எல்லையில் போராட்டம் நடத்திவரும் அவர்கள் வேளாண் சட்டங்களின் நகலை எரித்து ஹோலி பண்டிகையை கொண்டாடியுள்ளனர்.

குறிப்பாக நேற்று போராட்ட களத்தில் பாட்டுபாடி நடனமாடி ஹோலி கொண்டாடினார்கள். எங்கள் கோரிக்கையை மத்திய ஏற்றுக் கொள்ள வேண்டும், மூன்று வேளாண்சட்டங்களையும் திரும்பப் பெற வேண்டும், அப்போது தான் நாங்கள் வீட்டிற்குச் செல்வோம் தெரிவித்தனர்.