வீதியால் பயணித்த முதியவர்களை பின்தொடர்ந்து அச்சுறுத்தி தங்க சங்கிலியை அறுத்துச் சென்ற ஆசாமிகள்..!

முல்லைத்தீவு - அம்பலப்பெருமாள் குளம் வீதியில் பயணித்துக் கொண்டிருந்த வயோதிப பெண்ணின் தங்க சங்கிலி இனந்தொியாத நபர்களினால் அறுத்து செல்லப்பட்டிருப்பதாக மல்லாவி பொலிஸ் நிலையத்தில் முறைப்பாடு பதிவு செய்யப்பட்டுள்ளது. 

கோட்டை கட்டிய குளம் அம்பலப் பெருமாள் குளம் வீதியில் பயணித்துக் கொண்டிருந்த வயோதிப தம்பதியினரை பின் தொடர்ந்த மோட்டார் சைக்கிளில் சென்ற இருவர் அம்பலப் பெருமாள்குளம் காட்டுப்பகுதியில் வைத்து அச்சுறுத்தி சங்கிலியை அறுத்துள்ளனர்.

குறித்த சம்பவம் தொடர்பாக பாதிக்கப்பட்ட வயோதிப தம்பதியினர் மல்லாவி பொலிஸ் நிலையத்தில் முறைப்பாடு செய்யப்பட்டுள்ளது. இச் சம்பவம் தொடர்பான விசாரணைகளை மல்லாவி பொலிஸார் முன்னெடுத்து வருகின்றனர்.