பெண்களுடன் நெல் நாற்று நடும் அமைச்சர் விஜயபாஸ்கர்!! -தேர்தலுக்காக வயலில் இறங்கி பிரச்சாரம்-
நடைபெறவுள்ள சட்டமன்ற தேர்தலில் புதுக்கோட்டை மாவட்டம் விராலிமலை தொகுதியில் போட்டியிடும் சுகாதாரத்துறை அமைச்சர் விஜயபாஸ்கர், அங்கு நாற்று நட்டுக் கொண்டிருந்த பெண்களுடன் இணைந்து தானும் நாற்று நட்டு தனது பிரச்சார நடவடிக்கையில் ஈடுபட்டுள்ளார்.
அ.தி.மு.க சார்பாக விராலிமலை தொகுதியில் மீண்டும் போட்டியிடும் அமைச்சர், தொகுதிக்குட்பட்ட பல்வேறு இடங்களில் தீவிர பிரச்சார நடிவடிக்கையில் ஈடுபட்டு வருகிறார்.
இந்நிலையில், சாரணகுடியில் உள்ள விவசாய நிலத்தில் தனது மூத்த மகள் ரிதன்யா பிரியதர்சினியுடன் இணைந்து நாற்றுநட்டு, அங்கு நடவு பணியில் ஈடுபட்டிருந்த பெண்களிடம் அமைச்சர் விஜயபாஸ்கர் வாக்கு சேகரிப்பில் ஈடுபட்டார்.
